38 kursista ta pasa kurso di bankét ku eksito

121
 E kursistanan tumando nan sertifikado despues di a kompletá nan kurso ku éksito.
Kwartier- Reda Sosial ku finansiamentu di Gobièrnu di Kòrsou a brinda for di 1 di yüni 2019,  durante 3 luna un kurso pa den un forma positivo yuda forma i eduká nos habitantenan.

Reda Sosial kier enfatisá riba e importansha di forma i eduká nos habitantenan den bario, p’asina nan ta ekipá pa partisipá den e merkado laboral òf traha riba nan mes. Reda Sosial ta kontribuí na un desaroyo ekilibrá i duradero di nos komunidat i mustra, un biaha mas, importansha pa kresementu ekonómiko. E kurso di bankèt a tuma lugá na Sentro di Bario di Groot Kwartier (26 kursista) i Wishi Marchena (22 kursista), dor di dosente Shamaira Martina.  Awe total 38 kursista (entre 18-55 aña) a risibí nan sertifikado. E kurso tabatin un parti di teoria i di práktika, kaminda a siña traha bolo, pan, lumpia i kaasbal. Meta final ta pa e kursista mes kuminsá traha riba nan mes i lanta nan mes negoshi.