Ron Martis ku piesa nobo pa Buleria

98
Su piesa nobo “Un Eternidat” ta riku na letra.

WILLEMSTAD,—-E super popular kantante Ron Martis ku ta forma parti di agrupashon musikal Buleria a lansa su piesa nobo ku ta hiba di titulo “Un Enternidat”. Ta trata aki di un komposishon di Rygel Isabella i Dwight Leoneta i e areglo ta den di Dwight Leoneta.

Mester bisa ku e piesa nobo di Buleria kanta pa e kantante Ron Martis ta hopi pero hopi riku na letra, sigur esaki ta loke ku hopi hende ta gusta na momentu ku nan por mira nan mes den un piesa. Despues ku Bueria algun luna tras di lomba a manda tres piesa nobo kaya, awor nan ta manda un otro den bos di Ron Martis.

‘E Mulina’, ta disponé di informashon ku djabièrnè aki agrupashon musikal Buleria lo bai tei na Kòrsou kaminda ku nan tin un presentashon Priva. I djasabra mainta trempan nan ta sali bèk pa Aruba, kaminda ku nan lo bai sigui selebrá nan sinku aña den farándula, esaki lo bai ta den kombinashon ku agrupashon musikal ICONS.

Ta bon pa abo tambe yama bo radio emisora preferí i pidi pa e piesa nobo di Buleria kanta pa Ron Martis. Otro informashon ku nos ta na altura di dje ta bisa ku otro siman djarason Buleria lo bai ta na Kòrsou, kaminda ku e lo bai ta den kombinashon ku GENTZ TRE’CHIC i E.R.A. pues esaki sigur ta un bon okashon pa yama i pidi pa Ron Martis su piesa nobo, ya asina otro siman ku e banda ta na Korsou bo tambe or kanta e piesa sam,sam ku Ron Martis.