Tin futbolista tambe ta kuestioná e manera ku a trata

716
Futbolistanan di nos selekshon nashonal.
WILLEMSTAD—Deporte Vigilante for di informashonnan risibí for di personanan hopi yegá na algun di nos futbolistanan profeshonal miembro di nos selekshon nashonal i otronan ku tabatin kontakto kune, a logra komprondé ku den seno di nos futbolistanan, tambe tin basta prekupashon.

Esaki ku e manera kon tur kos a bai na Haiti i atenshon ku prinsipalmente dòkter di nos delegashon, a atendé ku e asuntu i situashon ku a tuma lugá.

Mas aleu, e manera di komportá di e dirigente máksimo, unda den sierto kaso inkluso ta move, gosa i bebe huntu i/òf mas ku futbolistanan, ta otro di prekupashonnan ku a bin dilanti.

“Dòkter sigur por a aktua otro. E manera ku e la anda ku e kaso, sigur e mester kontestá algun pregunta. E kontestanan mes ku e la duna den Deporte Vigilante ya ta papia palabra kla. Tambe nan ta kòrda kon kosnan a bai tantu e dia despues di fiesta na Qatar, komo tambe despues di fiesta ora a kaba di hunga kontra Haiti na Kòrsou ku e kabesante di nos delegashon”, ta prekupashon ku tin bou di algun futbolista di nos ekipo nashonal.