Bathroom Design Curaçao i GROHE ta organisá tayer grátis pa paipfeter

171
Willemstad—–Siman pasá Bathroom Design a duna nan promé tayer grátis prinsipalmente na paipfeter-, kontratista- i hèndimènnan na Kòrsou, pa risibí e título di “GROHE Onderhoudstechnicus en Installateur”. Di e forma akí GROHE kièr forma instaladónan profeshonal, pero tambe laga será konosí ku su produktonan di baño i kushina di kalidat haltu.

Gerente Regional di benta di GROHE a bini Kòrsou spesial pa duna e tayer akí repartí riba 2 dia i den dos idioma diferente (Spañó i Ingles). Mas ku 35 persona a partisipá na e tayer práktiko akí, konkluyendo ku un èksamen ku a tuma lugá na ACOYA Resort. Durante un Happy Hour ameno a parti e sertifikadonan ofisial na tur partisipante.

Bathroom Design Curaçao ta un negoshi di famia spesialisá den muebelnan di baño, instalashonnan di ducha i baño inkorporá, pòchinan di w.c (di muraya), kranchinan moderno i di kalidat haltu. Loke ta distinguí Bathroom Design for di tur otro, ta ku por mantené nan produkto i no mester remplasá nan ku un nobo. Danki na e tayer grátis di GROHE, entregadónan di servisio di instalashon i mantenshon a amplia nan konosementu di produktonan di GROHE pa asina ofresé e servisio adekuá na nan klientenan.

Bo a pèrdè e tayer akí i bo ta deseá di keda bon informá, bishitá nos wèpsait www.bathroomdesigncuracao.com òf pasa serka Bathroom Design Curacao na Scherpenheuvel 2. Nos ta habrí djaluna pa djabièrnè di 8:00 am pa 12:00 pm i di 1:30 pm pa 5:30 pm. Riba djasabra di 9:00 am pa 12:00 pm.