Diferente demanda pa mal práktika kontra di spesialistanan

906
Korte: Inspektor di Salubridat Públiko dr. Keli bayendo korte siman pasá djabièrnè.
Punda—E siman aki tabatin diferente demanda kontra di algun spesialista. E kasonan a wòrdu tratá durante seshon di Komishon Kastigu Médiko (Medisch Tuchtcollege , MTC Zitting, pero tambe durante wisionan sivil komun. Ta trata den mayoria kaso, proseduranan apliká pa spesialistanan trahando den Sehos.
Abogado: Abogado Willemieke Princee ta baha trapinan di korte den kompania ku representantenan di un spesialista djarason último.

Kasonan kontra di spesialistanan ta komun rònt mundu i Kòrsou no ta un eksepshon. E siman aki, Inspektor di salubridat Públiko, dr. Servin Keli mester a presentá den sala di Korte pa por presensha un asina yama “regiezitting” den un tratamentu den e Komishon pa Kastigu Médiko. E kaso aki a wòrdu tratá siman pasá djabièrnè mainta unda e pashènt Lisette van T. A hiba unu dje spesialistanan ku ta traha den Sehos dilanti e komishon di kastigu. Ta trata di un spesialista ku ya na 2017 mester a pasa den un tratamentu pa mal práktika unda el a keda suspendé temporalmente pendiente e kaso. Lisette van T a hiba tantu Inspekshon di Salubridat komo e spesialista dilanti. Manera a splika tabata un tratamentu den forma preliminar (regie) duna wes a investigá kontenido di e keho i pasa den dokumentashon di e kaso. Abogado mr Richard Pols kende a defendé van T, no kier a duna niun detaye dje kaso miéntras mr. Allan Henriquez a defendé e spesialista i Inspekshon di Salubridat.

Djarason último den oranan di mainta, korte mester a trata demanda den un otro kaso kontra di dos spesialista. Ta trata di un demanda entamá pa Agnelis P., kende a inkluí Sehos tambe den su demanda komo kontra partido. Agnelis P. a demanda pues tantu Sehos komo dos spesialista. Agnelis P a eksihí den su demanda daño di perwisio. Ta trata di un demanda kontra di dos ginekólogo lokal ku a wòrdu defendé pa abogadonan Willemieke Princee i mr. Nagelmakers.