Polis ta bin topa piesanan di outo hòrta den kurá di kas na Welatinaweg

Un dia despues ku a pluma e outo

947
Willemstad—-   Den un kura di kas polis a bin topa un kantidat di piesa ku a ser kita for di un vehíkulo di e marka Hyundai Accent.

Ayera den oranan di mainta polis a haña e informashon ku den un kura di kas bou di un palu lo tin un kantidat di piesa nan di outo skondí. Polis a bai na e sitio unda enbèrdat a bin topa ku vários piesa.

Piesanan ku a bin topa kuné den e kura di kas.

 

Tambe por a nota un sitio den e kura ku sigur einan un outo a keda pluma. Tabata trata di piesanan ku ta pertenesé na un vehíkulo di e marka Hyundai Accent.  Ta trata di netamente e vehíkulo ku un dia promé esta djarason a keda haña no masha leu for di e sitio ei tur pluma.  Polis a konfiská e piesanan bai warda kuné pa mas investigashon.