Polis ta dal kontra di hòmber buská pa hustisia pa asina por a detené

A lòs tirunan di atvertensia

472
Vehíkulo ku e sospechoso tabata manehá.
Willemstad—–Djabièrnè 4 di òktober 2019 alrededor di 10.17 or, un unidat di e Tim di Mantenshon di Òrdu Públiko ku tabata patruya riba Blanquillaweg, a señalá un hòmber sospechoso den un vehíkulo kòrá, pa kual tin un petishon di búskeda i aresto.

 

Otro vehíkulo polisial mas kibrá.

Mesora e unidat a duna e hòmber òrdu pa para. E sospechoso no a duna oido na esaki i a sigui ku su huida.

Polis a lòs tiru di atvertensia i a start ku un persiguishon den e área di Buena Vista. Durante di su huida e shofùr a aksidentá kontra di un di e outonan di polis.

Alrededor di 10.25 or, riba e krusada Haitiweg/Bahamasweg e unidat a logra di detené e sospechoso T.R.G.H.J., di 21 aña di edat nase na Kòrsou, en konekshon ku ladronisia, destrukshon i maltrato, ku el a kometé den luna di sèptèmber último.

A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon