Willemstad— Polis mester a bai Simona Minimarket na e entrada pa bai Goede Hoop  pa un kaso di ladronisia ku violensia.

Ayera den oranan di atardi dos hòmber kara tapa ku arma di kandela a kore drenta Simona Minimarket. Bou di menasa di  arma di kandela e duo a ordená pa duna nan tur plaka ku tabatin den e kaha. Nan a logra di poderá di un suma di mas òf ménos 300 florin pa despues a kore drenta den un Kia Picanto kolo shinishi ku tabata para ta warda nan riba un distansha.  Polis a bai na e sitio pa asina por a kontinuá ku e investigashon.