Mas i mas kiebro den vehikulonan

Turistanan ta keda bira blanko di malechornan

180
Willemstad- Ketu bai ta keda bin dilanti e situashon ku sigur ta birando alarmante kual ta kiebronan den vehíkulonan di turista. Ku esaki ta referí na sierto sitionan ku sigur turistanan ta bishita i ku nan ta blanko na man di malechornan. Hopi ta e turistanan ku ta konfia i baha laga nan pertinenshanan den e vehíkulo pa djis atmirá nos isla.

Na momentu ku nan regresá bek ta bin tuma nota ku malechornan ya a kibra nan vehíkulo i bai ku nan artíkulonan. Sigur e situashon a bolbe kuminsá bira alarmante mirando ku sigur mas di 3 kiebro den vehíkulo tin pa dia. Ku esaki na diferente lugánan spesífiko ku turistanan ta bishita tur dia. Den área di Bandabou  na lamannan, na Playa Canoa, Baya etc. E malechornan aki no ta tene kuenta ku e aktonan di e forma aki ta duna nos isla mal nòmber i ku esaki ta pone ku turistanan no ta regresá. Pa loke ta trata e forma kon pa prevení e situashon ta sea na pone bòrchinan ku ta duna indikashon na turistanan pa nan no laga nada den nan vehíkulo. Tambe pa kompania nan di outo ku nan tambe por duna e turista e informashon pa nan no laga nan pertinenshanan den vehíkulo. Esaki ta yuda pa ku e turista no ta pèrdè su dokumentonan balioso na momentu di robo. Un tristu pa bo mira kara di e turista ku a bin pa disfrutá di su fakansi i ta haña nan ta pasa e mal ratu aki. Mester bin tambe ku mas patruyahe na lugánan ku ta turistanan ta blanko di malechornan pa evitá e tipo di situashonnan penoso aki.