Ruman di piskadó pèrdí tin speransa ku nan lo enkontra ku su ruman

2883
Willemstad- Ruman muhé di piskadó Nicolina pèrdí a splika Vigilante ku tin basta vershonnan sirkulando ku nan lo mester a lokalisá e piskadónan, pero te na momentu ku nan a papia ku Wardakosta no ta tin niun indikashon di esaki. Esaki ta hasi nan mas tristu ainda, kaminda ku e notisia di a lokalisá nan  a hasi nan a asina kontentu i despues a resultá di no ta bèrdat. Wardakosta a splika nan ku ainda nan ta hasiendo búskeda.

E ruman a bisa ku su ruman ta hasié konstantemente di subi laman bai piska. Ta kos ku nan ta hasi regularmente.  E boto te ku e informashon ku nan ta disponé di dje ta ku nan a Sali di Caracasbaai i tabata den oranan di anochi na momentu ku e boto a konfrontá problema nan a risibí notifikashon ku nan tabata riba laman. Normalmente nan sa bai piska pa nan mes i tambe pa bende. E ruman a splika ku e ta tin kontakto ku mama di e otro piskadó e hòmber Sigmar Melfor. Su mayornan tampoko no sa masha mirando ku nan no ta na altura si ta pa nan mes nan a bai piska òf ta pa bende. Úniko kos ku nan ta na altura di dje ta ku nan a bati alarma djabièrnè anochi pa yudansa i ku e boto tabata yena ku awa. Pa loke ku e ruman di Nicolina a splika tambe ta ku un di e piskadónan aki tin un desabilidat na su pia. E ta spera ku nan por sa e bèrdat di kiko realmente a pasa i ku te na e momentunan aki nan sa ku ora ku e boto a kuminsá senk Wardakosta a pèrdè kontakto ku nan.•