Aksidente fatal riba A2; detenshon di outomobilista

84
outomobilista detené pa okashoná aksidente fatal

LIMBURG—Polis a detené un hòmber di 58 aña relashoná ku un aksidente fatal riba A2 na altura di Ittervoort, Limburg.

E víktima fatal ta un dama. E aksidente a tuma lugá alrededor di 22:20. E sospechoso a dal probablemente den outo di e víktima segun 1Limburg. Na hospital e dama a bin fayesé di su heridanan. Su identidat ainda no ta konosí. E hòmber ku a dal den e outo, a bai laga su outo atras i hui. Polis a sera parti di e karetera pa buska e hòmber. Despues a bin hañe den su kas na Eindhoven. E outo ku el a laga tras ta prosedente di un robo.