Atrobe detenido sikiatriko ta hui for di klínika Nijmegen

74
3 huida den un luna detenidonan sikiátriko for di Pompekliniek
NIJMEGEN—Ayera mèrdia otro pashènt detenido (tbs) a hui for di Pompekliniek na Nijmegen segun outoridatnan.

E hòmber a hui durante un verlòf bou di guia. No ta konosí ki tratamentu e hòmber tabata risibí. Un bosero di e klínika na Nijmegen ta konfirmá e notisia na Omroep Gelderland. E bosero no por a bisa kon e hòmber a logra hui. Segun Burgernet ta trata di un hòmber grandi di 1.87 meter. Polis ta deskonsehá públiko pa aserka e hòmber. No ta prome biaha ku Pompekliniek ta pèrdè un detenido den tratamentu obligatorio. Dia 13 sèptèmber un otro kliente a hui durante un paseo bou di guia. Despues a logra detené na Rilland Zeeland. Dos siman prome tambe un kliente a hui for di e klínika for di bentana. Polis a detené dos ora despues.