Bo tabata sa ku Archel Calister ta fundadó di Classic XD

344
Nan dos a funda agrupashon musikal Classic XD.

WILLEMSTAD,—-Awe ‘E Mulina’, ta trese un informashon ku práktikamente hopi hende no ta na altura di dje. T’asina ku na aña 2011 e músiko Frenny Djaoen i e promotor Archel Calister huntu a bin ku e idea pa lanta un agrupashon musikal nobo den ámbito di Kòmbèk.

Mester bisa ku Frenny Djaoen i Archel Calister a konosé otro na Hulanda, nan tabata studio huntu i tambe nan tabata den farándula huntu na Hulanda, den dékada 90. Anan a pasa i na aña 2011 ámbos a bin ku e idea pa lanta un agrupashon musikal den ámbito di Kòmbèk, i esaki ta loke ku a sosodé tambe.

Den e forma ei Archel Calister i su amigu Frenny Djaoen a funda nan agrupashon musikal ku ta karga di nòmber Classic XD. Den mes un rosea ‘E Mulina’, a haña informashon ku Archel a bin ku e nòmber Classic, pero tambe mester bisa aserka ku e kantante kompositor Paul Welvaart  ta esun ku a pone e fam pa e banda Classic i den e forma ei e banda su nòmber a bira Classic XD.

Awe 8 aña despues e agrupashon musikal Classic XD ku a keda funda na aña 2011 pa Archel Calister i Frenny Djaoen ta para komo faborito grandi pa sali Banda di aña 2019. Esaki ta nifiká ku Archel Calister tambe ta den e selebrashon di Classic XD fin di aña aki. Pues esaki ta un pida historia di e agrupashon musikal Classic XD ku a keda funda na aña 2011 pa Archel Calister i Frenny Djaoen, promé ku ‘E Mulina’, lubidá e dos persona nan aki esta Archel i Frenny, tempu ku nan tabata studia na Hulanda nan tabata yama otro “Yakumbenchi”, no puntra ami, puntra nan dos kiko esei ta nifiká.