Dirigentenan di Juventus ku interes den diferente futbolista for di Kòrsou

330
Kenneth 'Kenny' Kunst.
WILLEMSTAD—Durante di e fin di siman ku ta tras di lomba, dirigentenan di e organisashon di futbòl boneriano Juventus, tabata di bishita na Kòrsou.

Esaki unda ku a logra kòmbersá ku diferente futbolista lokal. Un ke otro pa asina por konta ku nan próksimamente pa nan ekipo den e kampionato di futbòl na e isla di flamingo.

Entre e futbolistanan ku a sinta na mesa kuné, tin Kenneth ‘Kenny’ Kunst, unda rumornan ta indiká ku tabata un reunion, ku a kana den bon esfera, unda ku tambe ya a komuniká ku dirigentenan di Jong Holland pa negoshá e posibel traspaso.

Miéntras ku tambe tabatin riba lista pa topa i kombersá/negoshá kuné, e hungadónan Roderick Jops di Hubentut Fortuna, Jean Carlos Torbed di Jong Colombia i tambe Randel Winklaar di e ekipo trikolor di Jong Holland.

Pues Juventus ku intenshon serio. Despues ku nan promé intentonan pa refuerso na Boneiru mes, no a kristalisá, awor ta trahando riba diferente refuerso for di Kòrsou.