E talentoso músiko Rody Genaro a bai biba Hulanda

373
E la bai biba na Hulanda.

WILLEMSTAD,—-Algun siman pasa tras di lomba ‘E Mulina’, a trese un informashon ku tin un talentoso músiko ku lo bai bandoná Kòrsou i pa asina kuminsá un bida nobo na Hulanda. Awe nos ta bin ku nòmber i fam di e músiko en kuestion.

T’asina ku ta trata aki di e hóben drùmer Rody Genaro, mester bisa aserka tambe ku Rody ta un tremendo peladó tambe. Ayera ‘E Mulina’, a haña informashon direktamente for di Hulanda ku ya tin algun agrupashon musikal ku a benta liña riba Rody.

Mas informashon ku ‘E Mulina’, ta disponé di dje ta ku e chèns ta hopi grandi ku Rody lo bai presentá ku un agrupashon musikal popular na Hulanda. Nos fuente a bisa ‘E Mulina’, ku e la bin ta nota presensia ku Rody Genero hopi na Den Haag, pa ta eksakto den e barbershop di Ramsy ku ta forma parti di agrupashon musikal Cache Royale.

Nos fuente a bisa nos ku aparentemente Rody ya a kuminsá laborá na UC & Ramises Barbershop ku ta situá den Kurason di Den Haag. Esaki sin duda ta un super bon notisia, paso ta masha poko okashon bo ta tende sorto di notisia nan bon asina aki. ‘E Mulina’, a buska tur manera pa drenta den kontakto ku Rody Genero, per esaki no a resultá, den kurso di e dia nan aki ‘E Mulina’, sigur lo bai sigui buska e manera di por haña Rody na telefon i pa asina nos puntr’é algun kos rondó di su karera musikal na Hulanda.