Fundashon JAG a haña e derecho pa organisá Karnaval 2020

151
Awor si e ta ofisial ku Fundashon  J.A.G. ta bai organisá Karnaval 2020.

WILLEMSTAD,—-Ya pa algun luna kaba ‘E Mulina’, a bin ta bisa ku Fundashon J.A.G. ta esun nan ku lo bai haña e derecho pa organisá temporada di Karnaval 2020. Na masha hopi okashon hopi hende  a bisa ku loke ‘E Mulina’, ta trese dilanti no ta kuadra ku realidat, paso Fundashon J.A.G. mester pasa un proseso i na momentu ku esaki tuma lugá, e resultado final lo bai ta kompletamente otro di loke ku ‘E Mulina’, a trese dilanti na diferente okashon,

Pero manera semper ‘E Mulina’, su lema ta “tempu ta e mihó maestro”. Mester bisa ku ayera den ora nan di mèrdia Minister Marilyn Alcalá Wallé a hasi un yamada na presidente di Fundashon J.A.G. ku ta señor Hubert “Juni”Aniceta pa e hasi su presensia na su kantor.

I esaki ta loke ku a tuma lugá tambe, mester bisa ku Juni Aniceta a presentá den kompania di su ruman muhé ku alabes ta su man drechi ku ta Señora Glenda Anicetai ei nan Minister Alcalá Wallé a entrega Juni Aniceta e mandato pa organisá temporada di Karnaval 2020.

Den e forma aki awor si tur loke ku ta rumor den boka i mente di hopi hende mester keda bari for di mesa. Paso for di ayera a bira ofisial ku Fundashon J.A.G. ta esun nan ku ta bai organisá temporada di karnaval 2020. For di aki ‘E Mulina’, ke manda un pabien grandi pa e famia kompleto di Fundashon J.A.G. ku nan a haña e derecho pa organisá temporada di karnaval 2020.