Ganando e Gran Premio di Thailand ayera…. Marc Márquez a konkista su di 8 titulo mundial i di 6 den MotoGP

57
Marc Márquez ta konkista su di 8 titulo mundial na Buriram.
BURIRAM – E motosiklista Marc Márquez, ayera durante e Gran Premio di Tailand den MotoGP, a konkista su di 9 viktoria pa loke ta e temporada aktual i su di 8 título mundial di kual 6 ta den MotoGP.

Marc no tabatin nodi di gana e kareda di ayera na Buriram una bes ku tabata konosí ku Andrea Dovizioso ya no tabata un rival pa e kompromiso di ayera okupando e di kuater puesto, pero Marc Márquez su forma di kompetí ta asina, determiná manera poko ta, kampion manera niun otro i ku un total di kuater kareda ainda pa kore e temporada aki, e koredó di e ekipo Repsol Honda ta konkista su di ocho titulo mundial, di kual seis di nan ta den e kategoria máksimo MotoGP.

E historia tabata kasi similar na e temporada tras di lomba, mirando ku tabata netamente den e último bògt, den un lucha tenas e biaha aki ku e motosiklista Fabio Quartararo di apenas 20 aña ku 169 (Yamaha satélite), ku Marc ta logra  pase i bai ku e viktoria.

Na di tres lugá a finalisá Maverick Viñales miéntras ku Andrea Dovizioso a keda for di e podio di honor na di kuater lugá. Marc tabatin mester di apénas 2 punto pero a logra 12 mas ku Dovizioso ayera pa bai ku su di 6 titulo den MotoGP.