Juninho Bacuna ta bolbe drenta i anotá

169
Juninho Bacuna.
INGLATERA—E mediokampista di nos selekshon nashonal Juninho Bacuna, a bolbe drenta i anotá den wega di su ekipo Huddersfield Town. Esaki djasabra último den wega di Championship, ora nan a enfrentá i gana di Hull City 3-0.

Tabata wega ku a desaroyá sin gol den e parti inisial, unda Juninho a inisiá na banki komo suplente. Tabata na di 67 minüt di wega ku Bacuna ta drenta i asina hunga durante di e último 23 minütnan di partido, ku a hunga dilanti 21.702 fanátiko den John Smith’s Stadium. Despues di tabata apénas 1 minüt riba tereno, e mucha di nos, ta sòru pa e pase pa duna su ekipo bentaha 1-0 i 6 minüt despues e mes ta anotá pa asina pone su ekipo den bentaha di 2-0, unda finalmente nan ta gana 3-0.