Serginni Marten ku 3 promé puesto na Hulanda

116
Serginni Marten.
HULANDA—E atleta YDK Serginni Marten un biaha mas ta destaká i saka kara den kompetensia di natashon na Hulanda. Esaki tabata djasabra último, den e buèlta inisial di e kompetensia organisá pa KNZB, pa loke ta e divishon máksimo A.

Serginni a kompetí den 3 diferente kategoria, unda ku e la logra pa optené promé premio den tur. Tabata entre otro den 100 meter pechu, 100 meter individual miksto i 4 x 100 meter kombiná.

Tur esakinan den kompetensia ku a tuma lugá na Dedemsvaart zwembad De Kiefer, kompetiendo den representashon di e ekipo di De Waterkip.

Miéntras tantu su próksimo kompetensia lo bai ta durante di e fin di siman di dianan 19 i 20 òktober próksimo, den Martinez Cup Amsterdam. Ta trata di un kompetensia nashonal i internashonal na Amsterdam.