Sherman Smith ku piesa i videoclip nobo riba merkado

776
Tremendo piesa i videoclip pone riba merkado pa Sherman Smith i Gigi Tequila.

WILLEMSTAD,—-E hóben kantante den género Urbano Sherman Smith un biaha mas ta bolbe pone otro piesa nobo i su videoclip riba merkado, pero e biaha aki e ta hasi esaki den kombinashon ku e kantante Gigi Tequila.

E kantante Sherman Smith no ta un deskonosí den nos farándula. E tabata move hopi duru den farándula na Hulanda, pero e la hañ’é ta wanta un ratu pa ku su aktividat nan den farándula, pa asina e dediká mas tempu na su estudio i e la logra esaki ku éksito tambe.

Manera ku e la kaba ku su estudio e la hasi su regreso bèk den farándula. Tambe mester bisa aserka ku Sherman Smith a bin biba bèk Kòrsou, kaminda ku e ta manehadó un kompania huntu ku su ruman hòmber, ku tambe ta bai eksitoso.

Pa loke ta trata e piesa nobo den kombinashon ku su videoclip di Shermam Smith ta karga di titulo “No Spang”. Ta un videoclip graba riba un nivel hopi haltu, manera ku semper e hóben kai a yega di hasi den pasado. Ta trata aki di un videoclip ku ta ponebu sinta wak e ku kuater wowo habri. Di asina bon e videoclip ta hinka den otro.