Eks mènedjer di Chicago Cubs…. Padres tambe lo ta interesá den servisio di Joe Maddon

36
Padres tambe lo ta interesá den servisio di Joe Maddon.
SAN DIEGO – Hopi ta esnan ku ta di opinion ku e eks mènedjer di Chicago Cubs, Joe Maddon, lo ta rumbo pa e ekipo di Los Angeles Angels i asta a menshoná ku e ekipo di Andrelton Simmons lo tabatin un reunion planiá e siman aki ku e eks dirigente di Cubs.

Maddon anteriormente a forma parti di e organisashon di Angels pa mas ku 3 dekada, siendo hungado, despues mènedjer di liga menor i seguidamente miembro di e kuerpo di instruktor di e ekipo grandi.

Pero ta asina ku e ekipo San Diego Padres, kendenan tambe tin un puesto di menedjer habrí, si no ta asumiendo ku Maddon ya lo tin un akuerdo será ku Angels ainda. San Diego aktualmente lo ta studiando e historial di Maddon, segun un e reportero Jon Heyman di MLB Network a informá.

Manera ta konosí e ekipo di Cubs a disidí ku nan no ta renobá e akuerdo di Maddon, despues ku esaki a guia e ekipo pa gana e título mundial na 2016, poniéndo asina un fin na un sekura di 108 aña sin sa kiko ta un título mundial. Durante su estadia na Chicago, e ekipo a optene un marka di 471-339 i na kuater okashon a klasifiká pa postemporada, promé ku nan a keda afó na òktober di e aña aki.

Padres di nan banda a kor ku Andy Green dia 21 di september. Padres sigur tin un tremendo ekipo ku hungadónan yòn i ta hopi similar na e Chicago Cubs di 2015, tempu ku maddon a tuma mando di e ekipo di Cubs. Banda di Angels i Padres, tabatin mas ekipo ku a aserka Maddon resientemente.