Rays ta lanta for di soño i evitá un sota na man di Astros

32
Momentu ku Kevin Kiermaier ta konekta e homerun di 3 kareda pa Rays.
ST. PETERSBURG – Ayera a tuma lugá e di tres enkuentro di e seri divishonal den liga amerikano entre Houston Astros i e ekipo Tampa Bay Rays. Despues ku hopi eksperto di MLB tabata di opinion ku e ekipo di Houston Astros lo a bari e seri aki fásil 3-0, i sigur mirando ku e ekipo di Astros a sali gana e promé dos enkuentronan, ayera e ekipo di Tampa Bay a lanta for di soño i a evitá ku e ekipo di Houston Astros lo a bari e seri, ganando ku skor di 10-3.

Tabata e pelotero Kevin Kiermaier ku a konektá un ‘homerun’ di 3 kareda i e ekipo di Rays a vapulia e picher Zack Greinke konektando un total di kuater ‘homerun’ den e enkuentro di ayera pa asina obligá un di kuater wega den e seri mihó di 5 di e seri divishonal den liga amerikano.

E picher Charlie Morton a kumpli ku otro tremendo apertura den ‘playoff’ i a haña tremendo respaldo di e ofensiva di su ekipo. Morton a picha un total di 5 inen i a pèrmití unikamente un kareda riba tres hit konektá i a poncha un total di 9 rival.

Morton, di 35 aña, awor tin un marka di 4-0 ku un efektividat di 0.95 den kuater apertura di weganan di eliminashon inkluyendo e viktoria optene siman pasá kontra Oakland den e wega di ‘wild card’.

E di kuater wega den e seri aki ta kontinuá awe djamars 08 di òktober pa 4.15 atardi ora ku Justin Verlander (21-6) di Houston enfrentá Diego Castillo (5-8) di Tampa Ba