Mensahe di ‘Tweet’ ta daña relashon entre NBA ku China

45
Mensahe di ‘Tweet’ di Daryl Morey ta daña relashon entre NBA ku China.
CHINA – E enkuentronan amistoso i di preparashon di e ekiponan Los Angeles Lakers i Brooklyn Nets ku mester a tuma lugá na Shanghai i Shenzhen respektivamente e siman aki, ku tur probabilidat lo no tuma lugá mas.

E kompania chines di teknologia Vivo, un di e patrosinadó nan mas importante di e evenementunan aki, temporalmente a kibra tur relashon ku e organisashon di basketbòl merikano profeshonal NBA.

E loke a kondusí na desishon drastiko aki di kiebro di e relashon tabata un ‘tweet’ ku a keda publiká pa e hòmber tòp di Houston Rockets, Daryl Morey, unda ku públikamente e ta demostrá su sosten na e protestanan ku ta tumando lugá na Hongkong.

Anteriormente ya algun empresa chines a kibra nan relashon ku NBA. Daryl Morey mes entre tantu a splika ku su ekspreshon publiká riba retnan sosial tabata unu puramente personal i entre tantu a kita esaki.