3 atleta di nos ku rèkòrt personal i nashonal den ‘World Cup Masters & San Diego Open’

171
Miembronan di e delegashon lokal.
WILLEMSTAD—Resientemente 3 atleta a representá Curaçao Weightlifting Federation den kompetensia di hisamentu di peso World Cup Masters & San Diego Open, na San Diego California.

Ta trata aki di Arzy Salim Moussa, Mike Taatgen i Ralph Jantji. E kompetensia tabata un evento klasifikatorio i a konta ku partisipashon di mas ku 400 deportista, repartí den diferente kategoria i grupo di edat, representando diferente pais.

Entre 9 partisipante, Mike Taatgen a logra medaya di Bròns den e kategoria di 102 kilo i a logra kibra tambe su rèkòrt personal i establesé un rèkòrt  nashonal.

Entre 13 partisipante, Arzy Salim Moussa a logra di 4 lugá den e kategoria di +87 kilo i a logra kibra tambe su rèkòrt personal i tambe establesé un rèkòrt nashonal.

Entre 11 partisipante den e grupo di edat 35-39, 73 kilo, Ralph Jantji a logra di 4 lugá i e tambe a logra surpasá su rèkòrt personal i establesé un rèkòrt nashonal.