Gilbert Doran ta pidi Zita Jesus Leito pa atendé e asuntu di bòrchinan di bus mas lihé posibel

2345
Asina personanan ku ta hasi uso di transporte públiko mester para na parada di bus, pa warda sea un bus òf konvoi. Un abusu total den e kalor inmenso ku ta hasi últimamente

Willemstad,– Parlamentario pa partido MFK, señor Gilbert Doran ta hasi un yamada na minister Zita Jesus Leito pa remedia e situashon di paradanan di bus pa habitantenan di Banda Bou ma lihé posibel.

E ta splika ku e paradanan di bus na Gato,Daniel i Tera Kora,  ya ta basta dia kaba tin ku nan ta den e kondishon ku no por hasi uso mes di nan. Doran ta bisa ku ta parse ku no tin niun funshonario di VVRP ku ta pasa den e área aki i hasta e ta bisa ku ta parse i òf señora Minister  Jesus- Leitu mes tampoko no sa pasa ni banda di Gato pa sigui bai Banda Bou. Doran ta bisa ku e no por imaginá su mes ku ta di bèrdat nan no a mira e situashon aki. Gilbert ta puntra ku òf atrobe no tin sèn?

E ta bisa ku den presupuesto 2019/ 2020 tin 5.8 mion pa infrastruktura i ku e ta spera ku parada nan di bus kuminsá ser trata. “Ahinda tin tantu parada di bus ku no tin dak ni banki entre otro na Barber i mas, atenshon señor Minister Jesus Leito, mester hèndel e situashon aki urgente”, asina parlamentario Doran ta terminá.

 

.