Humphrey Davelaar: Nos no mester selebrá outonomia awor ku tin medidanan di alto supervishon

702

Willemstad,– Eks minister i tambe èks parlamentario i èks lider polítiko di partido Nashonal di Pueblo, señor Humphrey Davelaar ta bisa ku resientemente den tweede kamer na Den Haag e kamerlid Bosman di VVD a pidi  Tweede Kamer pa saka Hulanda for di reino hulandes i laga nos di Karibe  hulandes so den e reino dor ku na su opinion nos di Karibe hulandes no ta kumpli ku Statüt di reino.

Segun señor Humphrey Davelaar señor Bosman  mester keda kòrda ku su persona ta bini di e provinsia di Zeeland kaminda e kapitannan di barkunan prosedente  di e provinsia di Zeeland, den tempu di kolonia i konkista tabata transportá afrikano komo katibu pa e kontinente di Amérika pa bende nan riba merkado komo produktonan komersial.

Nos ansestronan tabata humano tog ?, asina Davelaar ta puntra. I e ta bisa ku te ku awe Bosman na nòmber di su ansestronan kriminal  i burdugu no a pidi despensa ni pordon pa loke su ansestronan burdugu i kriminal a hasi ku nos ansestronan na nos pueblonan ni den Tweede Kamer ni den reino hulandes i komunidat europeo i sobra di mundu. E kontesta ta masha simpel òf Bosman ta mas teribel i pió ku su kapitannan di Zeland di e periodo di konkista i sklabitut.

“Ki dia shon Bosman ta pensa di rekonsiliá ku Dios òf pa Bosman Dios no ta eksistí  òf pe ta e filosofia di diabel ta konta”, asina Humphrey Davelaar ta terminá bisando.