Hòmber detené pa sekuestro i maltrato di dama

425
Willemstad— Polis ayera den oranan di anochi tabatin un búskeda formal di un vehíkulo den kual tabatin un hòmber ku mester a sekuestrá un dama i tabata maltratando e.

Tabata den oranan di anochi ku Polis a keda dirigí pa e pòmp di gasolin pa un kaso di maltrato unda un hòmber mester tabata maltratá un dama i kier a kita e vehíkulo for di dje. Ora ku polis a bai na e sitio pa asina por a atendé ku e hòmber no a bin topa ku nan. Mas despues polis a haña e informashon ku e tipo mester ta den e vehíkulo riba Sta Rosaweg koriendo ta choka e dama.

Mesora a kuminsá ku un persiguishon i tabata na altura di Weto ku a señalá  e vehíkulo i a para esaki. Mes momento a detené e hòmber i tambe a bai warda ku e dama pa asina e por a duna su deklarashon di tur loke e la pasa aden. Tambe a konfiská e vehíkulo pa wak si por haña kosnan ilegal skonde den esaki ku por ta pertenesé na e hòmber.