Atrakadó moviendo den Vitz  ku sombré kamuflá ta bèk den akshon

2051
Willemstad— Polis mester a bai Morgenster pa un kaso di atrako unda un hòmber arma a drenta e establesimentu hisa e kaha di plaka bai kuné.

Ayera den oranan di anochi un hòmber kompletamente na pretu bisti ku un sombra kamuflá riba su kabes mester a baha for di un vehíkulo di e marka Vitz i a kore drenta e minimarket Sunny Side. Bou di menasa di arma di kandela e tipo aki a pone tur hende para ketu pa asina por a hisa e kaha di plaka por kompletu bai kuné.  Ya pa un par di dia no a tende masha di e hòmber ku tabata move den un Vitz i a kometé un kantidat di atrako sin ku e la wòrdu detené. Ayera un biaha mas a hasi uso di e mesun modus operandi pero no ta na altura ku ta e mesun tipo ku tabata kometé e atrako den e Vitz. E kaso ta den investigashon.