Minister Suzy Romer: Ainda e ta pendiente pa sa si Hulanda ta bai di akuerdo pa e fiansa di 200 mion florin. Mester di e plaka pa por sigui paga trabou dje consultantnan.
WILLEMSTAD—Lokual ku dado momento tabata fuerte den diskushon ta a sumanan astronómiko ku a paga na sierto consultantnan pa trabounan ku nan tin di efektuá pa HNO. Hopi ta esnan ku a kere sigur ku na momentu ku entrega di HNO tuma lugá 15 di novèmber ku e trabou dje consultantnan lo yega un final mesora, pero ta resultá ku no ta asina.

Konforme informashonnan optené pa Vigilante ta asina ku diferente dje forsa laboral ingehuurd lo sigui ta den servisio di HNO pa un periodo di 3 luna na momentu ku e hospital ser entrega. Manera ta konosí en prinsipio 15 di novèmber próksimo ta e fecha pa entrega dje hospital. Si esaki resultá di ta e kaso,esaki ta nifiká ku e consultantnan lo keda den servisio di HNO te 15 di febrüari 2020. Mas lat entrega HNO, mas largu e periodo dje consultantnan ta kore. Vigilante a keda informá ku esaki ta e kombenio ku a keda sera i ku nan lo keda den servisio pa 3 luna mas despues di entrega dje hospital pa por supervisá e trabounan hasi.