Harry Guánches èks koach di Santa Maria a bira mènedjer di Leones di Caracas

589
Harry Guanches un tempu koach di Santa Maria Pirates i di selekshon hubenil, a bira mènedjer di Leones di Careacas aya na Venezuela.

 

 

Willemstad,– Harry Guánchez a bira mènedjer di Leones di Caracas. Harry tabata na Kòrsou di 2003 pa 2005 i a fungi komo koach di Santa Maria Pirates. Harry primeramente a bini Kòrsou tambe komo hungadó i despues komo koach kaminda el a traha den e kuerpo tékniko di Santa Maria Pirates bou di maneho di Mompy van Gurp.

Hasta señor Guanchez dado momentu a bira tékniko di nos selekshon hubenil ku a bai Hulanda i a yuda grandemente den e  selekshon ei.

Den kombersashon ku Paul Traam el a splika nos ku el a papia ku Guanchez kende a bisé ku e ta preparando pa e temporada nobo kaminda e lo tin un reto nobo.

Tambe el a bisa Paul ku e ta hopi agradesido na Santa maria kendenan a dun’é e oportunidat di forma su mes komo tékniko. E ta bisa s no ta pa entre otro e yudansa ei, kisas nunka e ophetividat aki lo a yega awe. E ta bisa ku e ta orguyoso di mira tantu pelotero di Kòrsou den Liga Grandi i a manda saludo pa tur hende di Santa Maria i ku e ta agradesido di a pertenesé na e organisashon Pirata.  El a manda un saldo pa tur hende i a bisa ku e no ta kòrda tur nòmber, pero un saludo espesial sigur pa Mompy.