Hòmber ku kapuchon ta sali fo’i santana tira dos hòmber trahando den Roodeweg

Nèt na Colon

8607
Willemstad— Polis ta investigando un kaso di dòbel intento di asesinato ku a tuma lugá ayera den oranan di mainta den Roodeweg.

Djamars 15 di òktober 2019 alrededor di 09.21 or sentral di polis a haña notifikashon ku tin un kaso di tiroteo a tuma lugá den área di Roodeweg i ku tin dos hende heridá.Na yegada di e promé patruya polisial nan a bin topa ku dos hòmber drumi abou ámbos ku herida di bala na vários parti di nan kurpa.

Ku urgensia a transportá tur dos víktima pa poliklínika di SEHOS pa asistensia médiko.For di investigashon preliminar ku polis a realisá na e sitio, a sali na kla, ku un ratu promé un hòmber ku kapuchon bisti a sali for di e santana na Roodeweg i los algun tiru dirigí riba e víktimanan, ku e resultado ariba menshoná.Na e sitio polis a haña i konfiská vários huls prosedente di e tiroteo.Motibu di e tiroteo no ta konosí i ta den investigashon.