Ingenieronan Militar ta konstruí fasilidatnan nobo pa ehersisio i un toren di vigilansia na Kòrsou i Aruba

574
Willemstad——-Esaki ta bira trabou duru pa e 90 Militarnan di ‘105 Geniecompagnie Waterbouw’ (departamento Hidróuliko). Nan ta konstruí den ménos ku un luna fasilidatnan pa ehersisio tantu na Kazèrne di Marina Savaneta (Aruba) komo na Wacawa (Kòrsou). E konstrukshon di e ophetonan aki ta tuma lugá dentro di e ehersisio ‘Caribbean Pontonnier’.

E klima i medio ambiente riba e islanan ta brinda un reto èkstra na e Militarnan ku ta den entrenamentu. Ta pa e  motibu ei ta invertí den mehorashon i desaroyo den e kamponan di entrenamentu aktual. Na mes momentu e Militarnan ta invertí tempu tambe i material den konstrukshon di proyektonan lokal. Ademas di konstruí medionan di ehersisio Militar, e ingenieronan ta konstruí tambe un toren di vigilansha pa Parke Kristòf.

EHERSISIO I ENTRENAMENTU

Na Kòrsou ta konstruí fasilidatnan pa entrenamentu ku kònteiner  riba e tereno di ehersisio na Wacawa, den kua Militarnan por ehersé entre otro akshonnan di búskeda dentro di áreanan urbanisá.

Na Aruba ta konstruyendo un edifisio Militar. Dor di e konstrukshon habrí na e parti ariba di e edifisio, e instruktornan por kuidadosamente sigui kada paso tumá pa e Militarnan ku ta den training.

TRÁFIKO

Pa konstrukshon na e lokalidatnan di ehersisio, tin mester di kònteiner i material/aparatonan pisá pa konstrukshon. Esakinan ta keda transportá riba kareteranan públiko. Den esaki Defensa den Region Karibe ta tene kuenta ku e orarionan drùk en konekshon ku molèster.