No ta sigur ku lo manda busk’é bèk Hector Jimemez di Wild Cats a bai Santo Domingo bèk

266
E picher surdo di Wild Cats Hector Jiminez a bai bèk Santo Domingo i ku tur probalidat lo no ser buska bèk ora kampionato sigui.

Willemstad,– Informashonnan ku Deporte Vigilante a risibí ta mustra ku e picher refuerso di Wild Cats, kende ta Hector Jimenez tambe lo mester a regresá Santo Domingo.

T’asina ku e picher a bini Kòrsou ku e selekshon di Haiti U-23 ku a hunga tres wega aki na Kòrsou i Wild Cats mesora a wak un oportunidat pa tene aki na Kòrsou pa e por picha pa nan i nan a disidí di firm’é.

Pa kolmo a bin resultá ku a bini protestanan netamente riba pichernan refuerso netamente na momentu ku e ekipo di Wild Cats a inskribí Jimenez.

Entretantu Vigilante a komprondé ku ya tin dos siman kaba ku Wild Cats a manda e refuerso bèk, mirando ku e gastunan ta sigui kore i no sa te ki dia kampionato lo kontinuá. For di nos fuente nos a keda informá ku Wild Cats no ta sigur di lo manda buska e picher aki bèk na momentu ku e kampionato kontinuá i tambe e weganan di playoff. Wild Cats sigur for di un prinsipio a bisa ku nan a buska e picher, mirando ku ya e tabata na Kòrsou i no ta un refuerso ku nan a manda buska for di eksterior, pues nan no por garantisá ku e lo keda ku e ekipo despues ku e hasi un try-out, pero awor pa kolmo e kampionato a wanta i pues nan mester a mand’é bèk Santo Domingo i no sa si lo manda busk’é bèk.