‘Jowi’ Albertus lo por ta e próksimo kiper di Vesta

154
Kiper Albertus di 'Seru' ku ta train na Sta Maria.
WILLEMSTAD—No ta un sekreto ku dirigentenan di Vesta ya pa algun siman ta den negoshashon ku e kiper kolombiano Julian Gaviria. Ta trata aki di kiper, kende durante di e último temporadanan di e promé divishon FFK, tabata ku e ekipo trikolor di Jong Holland. Miéntras tantu e ta bèk na Colombia, unda tabatin kontakto i negosiashonnan ku a tuma lugá.

Pero sinembargo ainda no tin nada konkreto, unda ku tambe tin mas kiper ku a hasi akto di presensia na tereno den bario di Sta Maria i a mustra interes pa por ta esun pa defendé e arko di e ekipo kampion, dirigí pa tékniko Henry Caldera.

Entre esakinan tin Jhovenne ‘Jowi’ Albertus, konosí den futbòl lokal, ku e ekipo di Hubentut Fortuna. Albertus temporada tras di lomba, banda di tabata kiper, tambe a hunga den liña ofensivo pa e ekipo di ‘Seru’, dirigí pa tékniko David Heykoop.

Albertus miéntras tantu ta praktikando ya pa algun siman ku e ekipo di Sta Maria, unda ku tur probabilidat, lo bai ta esun pa por trata na prueba su mes ku e ekipo kampion mañan anochi. Un ke otro unda ku Vesta komo kampion di Kòrsou lo enfrentá RCA ku ta kampion di Aruba, den e duelo di kampionnan, despues ku esakinan no a logra topa den e último edishon di Kopa ABC resientemente.