Minister Giselle Mc William: Impakto ta kobra 54 mil florin pa duna formashon na 300 persona

327
Señora minister Giselle Mc William ta bisa ku e proyect manager ku ta karga e lisensia di SVH ta bai kobra 84 mil florin. Sobra sènnan e ta bisa ku ta bai na dosente, lokal, material ets.

Willemstad,– Minister di ekonomia señora Giselle Mc William ta splika ki e proyekto pa reklutá trahadó den e sektor di Horeca lo konsistí di dos fase. Den e promé fase lo tin 45 kandidato i den e di dos fase ta papia di 205 kandidato. E minister ta bisa ku a pidi afwijking, paso e sektor hospitalario mester di mas ku 2500 hende den e tèrmino di 1 aña i mei. Esaki ta nifiká ku mas gobièrnu tarda lo mester importá trahadó i esei sigur no ta intenshon di e gobièrnu aki i p’esei a pidi afwijking.

E titular di ekonomia ta sigui bisa ku ta bon pa aklará tambe mesora ku uitzend bureau Impakto ta haña 54 mil florin  i mester reklutá trahadónan. Nan no tin nada di haber ku alokashon di e posibel trahadónan aki den futuro.

Mas aleu señora Mc William ta bisa ku e proyect manager ku ta karga e lisensia di SVH ta bai kobra 84 mil florin. Sobra sènnan e ta bisa ku ta bai na dosente, lokal, material ets. Un biaha mas señora minister Mc William ta bisa ku Impakto no ta haña eksonerashon di impuesto, sino solamente  e leerbedrijven ta haña esaki.