No tin niun iregularidat ku gasolin na e 3 pòmpnan

Despues di investigashon ku a keda hasi

565
Willemstad- Departamentu di Ijkwezen a tuma nota ku riba medionan sosial tabatin informashon, tokante gasoil meskla den gasolin, na 3 diferente stashon di gasolin riba nos isla.  Riba esaki departamento di IJkwezen, a inisiá un investigashon.  Mònster di 1 liter di gasolin a ser kohe na Muizenberg,  Cas Cora y  Isa Juan Domingu. Despues di analisá e kombustibel ariba menshoná a keda prueba ku tur kos ta kuadra konforme e toleransia di densidat di gasolin Mogas 95.

 

Toleransia máksimo (apsoluto) ta 0.005 kg/l)
Resultado di e análisis na e respektivo stashonnan di gasolin ta lo siguiente;
Stashon Muizenberg               : -0.0004   kg/l
Stashon Cas Cora                   : -0.0022   kg/l
Stashon Juan Domingo            : -0.0008   kg/l

IJkwezen ta un departamento di Gobièrnu ku ta reportá direktamente na Minister di Ministerio di Desaroyo Ekonómiko i ku independientemente ta hasi su trabou, sin.

IJkwezen no tin ningun relashon (herarkia) ku  Curoil, ni Copda i tampoko Asogas i ningun otro stashon di gasolin. Mirando ku e promedio di vehíkulonan ku ta tènk pa dia, ta entre 1000 pa 2000, dependé  e grandura di e stashon di gasolin, ta nifiká ku ta tur vehíkulo ku a tènk gasolin na e stashon di gasolin nan ariba menshon, lo mester a konfrontá problema. Esaki si  bèrdat tabatin problema ku e gasolin na e stashonnan di gasolin ariba menshoná.  Lokual si por a sosodé  ta ku pa e kibukashon un kliente ta kue un “nozzle” robes pa yena kombustibel. Di tur manera nos di IJkwezen kier enfatisá ku den e kaso spesífiko aki no tabatin nada iregular.