Finalmente entertainment band BIZOU a pasa pa historia

295
Nan a pasa pa historia.

WILLEMSTAD,—-Algun luna tras di lomba ‘E Mulina’,  trese e informashon ku tin rumor nan fuerte ku e entretainment band BIZOU ta bai pasa pa historia,pero e tempu ei tabatin masha hopi ningamentu di parti di algun miembro di e formashon musikal.

Pero manera semper ‘E Mulina’, ta bisa tur hende ku ta ninga “Tempu ta e mihó maestro”. Ayera den ora nan di anochi un biaha mas ‘E Mulina’, ta bolbe haña informashon rondó di e entertainment band ku ta karga di nòmber “BIZOU”.

Nos fuente a bisa nos ku, ayera e disishon a kai di parti di kabesante di e formashon musikal ku e ta pone un paro rondó di “BIZOU”, asta nos a keda pone na altura ku esaki a bai den forma di un mensahe via di app. Mester bisa ku ta tin basta luna ku BIZOU no ta moviendo den nos farándula i tambe ‘E Mulina’, a bin ta tuma nota ku tur e músiko nan ku ta forma parti e formashon musikal BIZOU ta move den diferente organisashon musikal. I ta forma di aki aya ‘E Mulina’, a haña diferente informashon ku ya práktikamente e formashon musikal ariba menshoná no ta move mas den nos farándula.

Nos a drenta den kontakto ku e kantante i alabes un di e fundadó nan di BIZOU ku ta Christeline “Christy”Corasol i manera ku e kue su telefon nos a bisé di e informashon ku nos a risibí ayera nochi i ku esaki ta trata di BIZOU, esaki ta loke ku ta e kantante a kontesta ‘E Mulina’, “Bo informashon ta kuadra ku realidat, for di djamars tras di lomba e desishon a kai pa wanta ku BIZOU, loke ku mi por bisabu ta ku otro siman e músiko nan ku a forma parti di BIZOU lo bin huntu pa asina ser’é  bunita, mes un kos ku nos a kuminsá aña pasa. Te aki nan mi por informábu”.