Ibi Petronella tabata grandi den e programa di farándula “Den Do Mayó”

307
E tabata grandi ayera den e programa di farándula “Den Do Mayó”.

WILLEMSTAD,—-Ayera e legendario kantante Wilbert “Ibi” Petronella kaba grandi den e programa di farándula “Den Do Mayó”. Mester bisa ku Ibi Petronella a konta masha hopi kos di su karera musikal i tambe e la konta kon e la drenta den farándula komo kantante i ken a trese den farándula.

Ta masha hopi kos mes Ibi Petronella a trese dilanti durante di e entrevista den e programa di farándula “Den Do Mayó”. T’asina ku e presentadó Kòrá Faneite i e kantante Ibi Petronella a bai keiru 60 aña patras den historia di e kantante i kon nos farándula tabata den e tempu nan aya.

‘E Mulina’, no por splika tur kos di e programa di ayera, pero loke si ku nos por hasi ta invitabu pa bo subi e dos página nan di ret sosial di FaceBook ku ta esun di Vigilante i esun di Direct Media Curaçao, pero tambe bo por wak e ripitishon djasabra awor kuartu pasa di seis na Kanal 13 TV Direct. Mester bisa ku Ibi Petronella sin duda ta un di nos kantante ku a hasi historia den nos farándula, paso 60 aña aktivo den farándula no ta wega.

Ta hopi bon pa nos ban kuminsá balorá nos mes un artista nan. Paso si nos mes no hasi esaki ta ken lo hasié pa nan. A yega e ora pa traha un museo kaminda ku nos por drenta e asina disfrutá di historia di kada un di nos legendario artista ku a hasi i ta nifiká asina tantu pa kos farándula lokal.