Piesa nobo di Kenneth Hooi graba ku Succes Sin Stress di Hulanda

294
E la kaba di graba su piesa nobo ku agrupashon musikal Succes Sin Stress.

WILLEMSTAD,—-Un biaha mas e legendario kantante den ámbito di Kòmbèk Kenneth Hooi ta bolbe pone otro piesa nobo riba merkado, titulo di su piesa nobo ta “Awó ta kon”. Mester bisa ku e Komposishon ta di Joce Passial i Kenneth Hooi i e areglo ta den man di Joke Passial.

T’asina ku e legendario kantante Kenneth Hooi a graba su piesa nobo ku e agrupashon musikal number 1 den ámbito di Kòmbèk na Hulanda ku ta Succes Sin Stress. Mas aleu ‘E Mulina’, ta disponé di informashon ku e kantante Kenneth Hooi lo bai ta na Hulanda pa presentá dia 9 di novèmber.

No tin duda ku Kenneth Hooi ta un kantante ku ta riku na fanátiko den ámbito di Kòmbèk, asta e la haña e nòmber di Rei di Kòmbèk. T’asina ku for di awe e piesa nobo di Kenneth Hooi “Awó ta kon” lo bai kuminsá zona na diferente radio emisora lokal.

Pues fanátiko nan di Kenneth Hooi for di awe boso por yama na boso radio emisora preferí i pidi pa e piesa nobo di Kenneth Hooi graba ku agrupashon musikal Succes Sin Stress. I kòrda ku otro siman e legendario kantante ta sali pa Hulanda, kaminda ku e lo bai tin un presentashon dia 9 di novèmber.