Refineria di Kòrsou d STK ta firma pa formalisá afvloeingsregeling pa trahadónan di CRU

144
Refineria Isla.
Willemstad-  Refineria di Kòrsou i Sindikato di Trahadónan di Kòrsou (STK) resientemente a firma e akuerdo pa e areglo di abandono pa trahadónan di Curaçao Refinery Utilities (CRU.)  Esaki a tuma lugá den presensha di  miembronan di STK, tur trahadónan di CRU.

E  asina yamá “afvloeiingsregeling” ta un areglo akordá ku ta determiná bou di ki kondishon e empleadonan ta terminá nan empleo na CRU, den kaso di terminashon di empleo masal òf kolektivo.  E akuerdo aki entre e dunadó di trabou i e representashon sindikal ta bai forma parti integral di e kontrato kolektivo eksistente kaba.

E rason pa e areglo di abandono ta sinta den e echo ku partidonan ta premirá, teniendo kuenta ku e esfuersonan pa yega na un operadó nobo pa refineria, CRU i Bullenbaai, ku en todo kaso por bin kambio di dunadó di trabou na komienso di aña ku chèns ku no tur trahadó ta òf ke forma parti di e konstelashon nobo. Esaki lo efektuá e kondishonnan di terminashon di empleo ku CRU den forma kolektivo pa kual e trahadó aktual di CRU por konta ku un kompensashon ku ta surpasá lokual lei ta stipulá teniendo tambe kuenta ku añanan di empleo di kada trahadó segun e areglo.