29 di desèmber 19 ICONS QSIGN den WTC

128
qsign

WILLEMSTAD,—-Mas ku kuater luna tras di lomba ‘E Mulina’, a bisa ku promé ku fin di aña lo bin e kombinashon forma entre agrupashon musikal ICONS i QSING, pero e tempu ei tur hende ku ta relashon ku e dos agrupashon musikal nan a ninga ku loke ku nos a trese dilanti no ta kuadra ku realidat.

T’asina ku wikènt tras ‘E Mulina’, a bolbe haña informashon, pero e biaha aki ku muchu mas detayá. Pa loke ta trata e dia di awe ‘E Mulina’, ta trese pa bo e fecha ku e dos banda nan ariba menshoná ta bai topa ku otro den W.T.C.

Mester bisa ku algun dia tras di lomba ‘E Mulina’, a mira flayer di e fiesta kaminda ku ICONS ta bai topa ku QSIGN pa promé biaha den nos farándula lokal i alabes farándula di Reino Hulandes. T’asina ku e fiesta ta bai tuma lugá dia 29 di desèmber.

Tambe nos tin informashon  ku e popular kantante i alabes Kurason di QSIGN ku ta Hunneley Felicia lo bai presentá ku ámbos agrupashon musikal, esta ku e ta presentá ku ICONS i tambe ku QSIGN. Un biaha mas nos lema “Tempu ta e mihó maestro” ta bolbe duna nos rason. Paso kuater luna pasa tur hende  a ninga, pero wikènt tras di lomba ‘E Mulina’, a mira e flayer di e fiesta grandi ku ta bai tuma lugá dia 29 di desèmber den W.T.C.