Cache Royale ta den kaya 2020 ku Estreno Mas Pikete

159

WILLEMSTAD,—-E informashon aki sin duda lo bai bira tópiko di kombersashon riba e dia di awe. T’asina ku ayera ‘E Mulina’, a haña informashon ku e grupo di karnaval Estreno Mas Pikete ta den kaya ku e agrupashon musikal di mas popular na Hulanda ku ta Cache Royale.

Esaki ta nifiká ku agrupashon musikal DREAMS no ta ku Grupo Estreno Mas Pikete den marcha 2020, manera ku e tuma lugá e aña aki. Algun luna tras di lomba ‘E Mulina’, a bisa di e moveshon aki, pero e tempu ei tur hende a ninga, pero manera semper nos a bin ta bisa ku “Tempu ta e mihó maestro” ta bolbe duna ‘E Mulina’, rason.

Ku e moveshon aki mester bisa ku Estreno Mas Pikete ta bai marcha dia 23 i 25 di febrüari  L.O.G. ku ta para pa Legends Of The Game i awor ta bin aserka direktamente for di Hulanda agrupashon musikal Cache Royale.

Tambe ‘E Mulina’, tin informashon ku e popular kantante i kisas Rei di Tumba 2020 Ray Lauffer tambe lo presentá huntu ku Cache Royale den marcha ku Grupo Estreno Mas Pikete, tambe nos a komprendé ku tin diferente otro artista ku lo bai ta den kaya ku e grupo di Karnaval ariba menshoná.