Rondó di 20 hende a paga pa baila Gibi Doran i Luwi Jano

373
Rondó di 20 hende a paga pa baila nan djasabra tras di lomba na Aruba.  

WILLEMSTAD,—-Djasabra tras di lomba e dos legendario kantante nan Gibi Doran i Luwi Jano a bai Aruba, kaminda ku den ora nan di anochi nan mester a presentá den un fiesta bailabel huntu ku otro legendario kantante ku ta Jersey Isenia.

T’asina ku for di nos fuente na Aruba ‘E Mulina’, a haña informashon ku e fiesta kaminda ku e tres legendario kantante nan a presentá no a haña mas di 20 hende ku a paga pa baila e tres kantante nan ku mester bisa tin masha hopi hit mes riba nan nòmber.

Nos fuente a bisa ‘E Mulina’, ku e promoshon tras di e fiesta tabata hopi pober i esaki a buta ku práktikamente ningun hende na Aruba no tabata na altura ku e dos kantante nan di Kòrsou lo a presentá den un fiesta bailabel.

Tambe nos a keda pone na altura ku esaki ta pa promé biaha ku fanátiko nan na Aruba no a presentá na e fiesta kaminda ku e dos legendario kantante nan a presentá. Pero tambe mester bisa ku wikènt tras di lomba tabatin dos dia ku artista nan internashonal a presentá, i esaki tambe a hunga un ròl hopi grandi, paso e hende nan a skohe pa bai wak e artista nan internashonal i no e dos artista nan yu di Kòrsou ku ta Gibi Doran i Luwi Jano.