Ladronnan tabatin intenshon pa rementá mashin di plaka

1866
E mashin di plaka ku e tiponan sigur kier a rementá den oranan di mardugá.
Willemstad—  Ya a kuminsá hasi e preparashonnan pa por a bai rementá e mashin di plaka ku ta keda den Sta Maria Gallery situá riba Rooseveltweg.

Un suidadano atento a tuma nota ku algun tipo a presentá den oranan di anochi di djaluna unda a baha silinder di gas i tambe slan pone den un kas ku ta den konstrukshon ku ta situá nèt patras di e kompleho di negoshi Sta Maria Gallery. E suidadano atento aki mesora a yama Polis i ayera den oranan di atardi Polis a bai na e kas indiká unda a bin topa ku diferente aparato ku at ser usa pa rementá mashin di plaka. Tur esakinan a keda konfiská pa mas investigashon. Sigur tabatin e intenshon pa rementá e mashin di plaka ku tin den Sta Maria Gallery.