Tambe a logra di los dos labamano bai kuné.
Willemstad— Polis mester a bai na Juan Pablo Duarte School den Buena Vista pa ladronisia di un kantidat di artíkulo.

Tabata na momento ku no tabatin koriente den e bario di Buena Vista ladronnan a probechá di e okashon aki. A logra di subi e tereno di e  skol Juan Pablo Duarte i a bres portanan i òf bentana nan pa por a drenta den e lokalidatnan. A logra di kue wasmashin plùs un sekado di paña bai kuné. a bai den e parti di wc unda a kita pochinan di wc i tambe labamano bai kuné. tambe a kousa destrukshon na vários di e lokalidatnan. Sigur e maestronan tabata sumamente tristu ku e situashon ku nan a bin topa kuné i a hasi un súplika na esun ku sa unda nan por haña e artíkulonan bek pa tuma kontakto ku Polis na e number 917.