Skuter ta dal tras di outo pega na kandela

Durante pustamentu riba Helmin Wiels Boulevard

168
Willemstad—- Un pustamentu entre di dos skuter riba Helmin Wiels Boulevard a bin finalisá den un aksidente unda asta un di e skuternan mester a pega na kandela.

Djamars 5 novèmber 2019, alrededor di 20.24’or, Sentral di Polis a dirigí un unidat pa Helmin Magno Wiels Boulevard pa un aksidente di tráfiko, kaminda tin dos persona heridá.Na yegada di e promé unidat, a topa un víktima bentá abou riba kaya ku múltiple leshon.

For di investigashon ku polis a realisá na e sitio, a sali na kla ku dos hòmber, kada unu riba un skuter probablemente tabata pusta riba e kaminda aki bayendo den direkshon di Otrobanda. Shofùr di un di e skuternan a aksidentá den un vehíkulo i despues e skuter a pega kandela.Mesora a pidi presensia di ambulans ku a transportá e víktima ku urgensia pa poliklínika.

Personal di tráfiko ta kontinuá ku e investigashon.