8,5 aña pa atleta hulandes pa transporte droga

95
e atleta a kere ta ‘doping’ e tabata eksportá
AMSTERDAM—E atleta hulandes Madiea G a keda sentensiá na Alemania na 8,5 aña pa trafikashon di 56 kilo di droga.

Ta trata di 13 kilo di crystal meth i 43 kilo di xtc. Fiskal a pidi 7,5 aña kastigu. E atleta di Amsterdam, profeshonal riba 400 meter i miembro di team di estafette, a keda detené na yüni durante un kontrol di frontera rutinario. E droga tin balor di 1,5 mion euro riba kaya. A haña esaki den su baul komo tambe 12.000 euro kesh. E atleta a kere ku ta doping e tabata transportá ku el a haña serka un persona den cafe na Amsterdam. E mester a entrega e doping serka un dokter na Alemania. E mes tambe kier a usa e supstansia pasobra e tabata den krisis, segun su abogado. Hustisia mes no a kere e deklarashon. E atleta Madiea G ta bai den apelashon.