Coffeeshop no ta sponser futbol mas

86
ta prohibí pa coffeeshop hasi propaganda
GELDERLAND—Dos klup di futbol den Gelderland ku tabata haña sponser di coffeeshops ta kita tur propaganda.

Motibu ta e transmishon di Nieuwsuur kaminda ta menshoná ku ta prohibí pa coffeeshops hasi propaganda. Ta trata di e klupnan Paasberg di Arnhem i MEC’07 di Betuwe. A kita e borchinan na Paasberg ku tabata riba vèlt. E klup a bisa di no a realisá ku coffeeshops no por hasi propaganda. Borchinan di propaganda di Heineken si tabata por i kasinonan tambe. Coffeeshop por hinka sen den e klup pero sin propaganda. MEC’07 tambe ta kita e borchinan propaganda. E desihson ta den palabrashon ku coffeeshop Catweazle. E direktiva a enfatisá ku no mester mira e doño di Catweazle komo un kriminal ku ta laba plaka ku sponsoring. E doño lo stop ku finansiamentu di deporte pa evita tur diskushon. E ta sponsor mas team.