Dos investigashon na Banko Sentral a duna RST akseso na informashon

“Ametista i Safiro

1224
Skalo—Miéntras Ministerio Públiko for di 2017 a anunsiá ofisialmente ku tin un investigashon penal den Banko Sentral tumando lugá ku nan a yama Safiro, den un silensio hermetiko durante 2018 nan a inisiá un di dos investigashon ku yama Ametista. Te ainda ningun di e dos investigashonnan aki no a logra nan meta.

Ámbos investigashon a keda denominá ku nòmbernan di pieda presioso i ámbos tabatin relashon ku eks direktor di Banko Sentral, dr. Emsley Tromp. Mientras Safir a konsentrá mas tantu riba e prosedernan di Tromp, Ametista a subi riba servernan di Banko Sentral na Skalo pa bai buska e kuentanan bankario korupto temporada fo’i 2006.  Durante Ametista a bin deskubrí un grupo di kompania oropeo ruso tabata uza plaka di mafia pa pasa via di kuentanan di banko sentral i a forma parti dje e magno kaso di VAT unda gobièrnu britániko a bin pèrdè biónes di dòler.

Ámbos: ámbos investigashon den Banko Sentral a referí durante periodo ku Tromp a manehá. Tromps den Safiro a sali ileso i hasta gana 600 mil florin na daño.

Ministerio Públiko, durante investigashon di Safiro i Ametista , debidamente tabatin akseso na diferente kòmpiuter konektá via netwerk na e main server di CBCS. E akseso na e netwerk digital sirkulando den Banko Sentral a bai konforme akordashon di un wes komisario, despues ku Ministerio Públiko a súplika pa drenta e institushon nashonal. Esaki a sosodé durante 2016 pa 2018.  En bèrdat tabata difísil pa Ministerio Públiko por a drenta sin mas den Banko Sentral debí ku statutonan di Banko ta prevení esaki sin mas. De fakto, segun statutonan di Banko Sentral ta un seshon den Korte Komun okupá pa 3 wes mester a duna outorisashon. Pero riba 6 di òktober 2016, unidat di TBO bou di un órden i ouspisio di un wes komisario a risibí e pèrmitnan nesesario pa drenta i listra den Banko Sentral. I netamente riba e dia en kestion tambe a drenta Banko Sentral.

Ministerio Públiko ofishalmente a konfirmá ku TBO a drenta Banko Sentral. Esaki den kuadro di e investigashonnan Safiro, kual Emsley Tromp ta un sospechoso i akusado. Esaki, Ministerio Públiko a ofisialisá via di un komunikado. Despues di 6 òktober 2016 a sigui diferente otro listramentu mas den Banko Sentral. E listramentu a tuma lugá tambe durante 2017. Na òktober 2017, Kaso Safiro a yega Korte. Despues na Novèmber 2017, Emsley Tromp ta keda eksonerá for di tur akusashon di Ministerio Públiko. Durante 2018 tambe nan a drenta CBCS. Durante e investigashon denominá komo ‘Ametista”, Ministerio Públiko na Kòrsou durante òktober 2017 i despues na mart 2018 a listra den Banko Sentral. Ametista, meskos ku Safiro ta investigashonnan andando rondó di posibel aktonan di korupshon via kuentanan òf empleadonan di CBCS, Banko Sentral. Riba 23 di mart 2018, Ministerio Públiko a laga traha un prosès ferbal unda a deskubrí ku plaka di mafia rusiano ta di fris riba kuentanan di Banko Sentral. Lokual ta interesante ta nunka Ministerio Públiko no a menshona e kaso di Ametista. Ametista ta drai rònt di korupshon di Banko Sentral i kuentanan di fris di riba 300 mion florin. Abogadonan representando bankonan ruso ta lobi na Den Haag i tambe den korte na Punda pa trata na los e suma mionario aki, pero tur kos ta pegá pasobra den Ametista no tin niun proseso penal kual a inisiá ainda, miéntras e investigashon aki ta un misterio kompleto.