FIOD ta konfiská mei mion di dos pareha

102
dos pareha sospechoso di labamentu di plaka
ALMERE—E siman aki FIOD a tene entradanan den dos kas den Almere i Rotterdam i den un kluis na Hilversum.

E servisio a konfiská atministrashon i 430.000 euro. Dos hòmber di 61 aña i nan esposanan di 57 i 61 ta sospechoso. FIOD ta bisa ku nan ta keda sospecha di labamentu di bienes ku no por responsabilisá i ta biba bida di luho. Tambe a konfiská 4 kas. No a detené e sospechosonan. E investigashon penal a start despues di un melding di Belastingdienst. For di investigashon a resultá ku e 4 sospechosonan no tin entrada legal kuantioso. Nan ta biba den kasnan sin debe di hipotek. Via tur sorto di konstrukshon ku fundashonnan den eksterior a kumpra tereno i kasnan den Hulanda. Den kluisnan na Hilversum i Rotterdam a haña 430.000 euro. E investigashon ta den man di parket.